Amgueddfa Gwefr Heb Wifrau

Wireless in Wales Museum

Get Adobe Flash player

Atal y Wasg

Bydd yr Amgueddfa ar agor ddydd Llun, 24/07/2017.

 

 

Mewngofnodi

Hanes

Hanes yr amgueddfa

 

Ffurfwyd Gwefr heb Wifrau i ddathlu rhan Cymru yn esblygiad radio a darlledu.  Mae'r amgueddfa yn dal casgliad bychan ond amrywiol o ddyfeisiadau radio a gwybodaeth.  Rydym yn arddangos setiau radio prin a rhai'n cynrychioli cyfnodau mewn trefn amser.

 

Canlyniad breuddwyd a gweledigaeth un dyn, David E. Jones yw'r amgueddfa.  Roedd David yn gasglwr setiau radio am y rhan fwyaf o'i oes.  Ysywaeth, bu farw ychydig wythnosau cyn gwireddu ei freuddwyd o agor arddangosfa Gwefr Heb Wifrau a chyhoeddi ei lyfr sy'n sail i lawer o'r arddangosfa.

 

Cofiwn David fel dyn addfwyn o argyhoeddiad cryf.  Bu'n ymgyrchu dros sawl achos a'i etifeddiaeth barhaol yw sefydlu Canolfan Iaith Clwyd yn Ninbych yn 1990.

 

Casglu setiau radio oedd ei hobi personol a gafodd ei integreiddio ganddo gyda'i ymroddiad dros Gymru a pharhad yr iath Gymraeg.  Roedd ganddo weledigaeth eang ac unigryw a arweiniodd at greu'r amgueddfa a'i lyfr Gwefr Heb Wifrau.  Saif yr amgueddfa a'r llyfr yn dysteb iddo.

 

Digwyddiadau

Mae'r Amgueddfa yn trefnu sgyrsiau misol rheolaidd yn y Saesneg neu'n ddwyieithog.  Rydym hefyd yn trefnu nifer o sgyrsiau yn y Gymraeg bob blwyddyn. Mae'r sgyrsiau fel arfer ar ddydd Gwener ac yn dechrau am7y.h. Rhestrir isod y digwyddiadau gyda'r sgyrsiau wedi eu amlygu.

 

17/06/3026 Hyfforddiant gwirfoddolwyr  - Technoleg iBEACON , HWB Dinbych.

 

17/06/2016 Datblygiadau yn y diwydiant glo ers y 1970au, Richard Thompson, peiriannydd mwyngloddio (drwy gyfrwng y Saesneg)

 

23/06/2016 Hyfforddiant gwirfoddolwyr  - Castell Caernarfon

 

01/07/2016 Sgwrs gan Ioan Talfryn i'w hail drefnu yn ddiweddarach.

 

 

Prosiect CDL

Daeth y prosiect 2 flynedd i ddatblygu ein darpariaeth dysgu i ben yn Ebrill 2013.  Fe'i arianwyd gan Gronfa Dreftadaeth y Loteri a roedd yn ein galluogi i gael 3 aelod o staff rhan amser i ddatblygu adnoddau dysgu, gwella arddangosfeydd dysgu, trefnu digwyddiadau ac ymweliadau â'r Amgueddfa ac ati.  Mae mwy o fanylion ar gael drwy glicio ar Prosiectau yn y ddewislen uchod neu glicio yma.Lottery Logo